有跟開節目都知道，本欄一早潛伏兩隻北水新貴——毛戈平（1318）及佑駕創新（2431）。今個星期一派彩，毛戈平非常靚仔地破頂，翌日（即周二）更升呢做埋紅底股，我忍唔住吃了三分之一，餘下博佢做下一隻老舖黃金（6181）。至於佑駕創新，可能因為累積升幅已巨，加上智能駕駛概念降溫，所以未見瘋狂炒作，我亦按部署將貨尾食糊，袋袋平安。
具3大賣點 博高處未算高
講開北水新貴，主打貨櫃航運服務嘅德翔海運（2510），昨日強勢破頂，加上3大賣點，可博高處未算高。
賣點一︰盈喜護身。集團早於11月宣佈，去年首10個月盈利較2023年同期增長37倍至不少於2.7億美元，主要受惠運費上漲及航運量增加。
賣點二︰長和加持。德翔海運去年11月上市，長和為其中一個基石投資者。長和沽嘢畀你就話驚啫，佢哋肯真金白銀入股嘅，絕對值得尊重。
賣點三︰蟹貨全清。如上文所述，北水進場股價即破頂，進入冇蟹貨區域，任由資金舞上，用前阻力區4.8元作止蝕位入場，夠晒值博率。
唐牛
相關文章：
